Jańa oqý jyly qarsańynda balalardyń qaýipsizdigine baqylaý kúsheıdi
ASTANA. KAZINFORM – Jańa oqý jyly qarsańynda elimizde balalardyń qaýipsizdigin qamtamasyz etý sharalary kúsheıtildi. Osy maqsatta «Nazar aýdaryńyz, balalar!» aktsııasy bastaldy, dep habarlaıdy Polisia.kz.
Aktsııanyń basty maqsaty – balalardy joldaǵy qaýipten qorǵaý jáne qaýipsiz orta qalyptastyrý. Oqý jyly bastalar aldynda mektepter men bilim berý uıymdarynyń mańynda baqylaý kúsheıtiledi.
Іshki ister mınıstrligi júrgizýshilerdi jyldamdyqty asyrmaı, jol qozǵalysy erejelerin qatań saqtaýǵa jáne kólik tizgininde barynsha muqııat bolýǵa shaqyrdy. Ásirese, balalardyń jolǵa kútpegen jerden shyǵyp qalýy múmkin ekenin árdaıym eskerý mańyzdy.
– Qazirgi ýaqytta mektep mańyndaǵy jaıaý júrginshiler ótkelderi, jol belgileri men jol tańbalarynyń jaı-kúıi tekserilýde. Sonymen qatar mektep avtobýstary men balalardy tasymaldaýdyń qaýipsizdigi de baqylaýǵa alynǵan, – delingen ІІM málimetinde.
Tekserý qorytyndysy boıynsha bilim berý uıymdarynyń jol ınfraqurylymyna qatysty 548 nusqama berildi.
ІІM ata-analardy balalarǵa qaýipsizdik erejelerin kún saıyn eske salyp otyrýǵa shaqyrady. Balalarǵa mektepte, kóshede, qoǵamdyq kólikte jáne ınternette qaýipsizdik talaptaryn saqtaýdy úıretýdiń mańyzy zor.
Vedomstvo balalardyń qaýipsizdigi barshaǵa ortaq jaýapkershilik ekenin atap ótti.
Aıta keteıik, Astanada «Mektepke jol» aktsııasy aıasynda 70 oqýshyǵa kómek kórsetildi.
