Jańa oqý jyly: bıyl stýdentterge qosymsha qansha grant bólinedi
ASTANA. KAZINFORM – Bıyl stýdentter sany 740 myńnan asady. Bul týraly Úkimet otyrysynda Ǵylym jáne joǵary bilim mınıstri Saıasat Nurbek málim etti.
- Jańa oqý jylyna stýdentter kontıngentin qalyptastyrý boıynsha jumystar jalǵasýda. Elimizde 123 joǵary oqý orny bar, onyń 107-si azamattyq ýnıversıtet. Bıyl bilim alýshylar sany 740 myńnan asýy múmkin, - dedi S. Nurbek.
Onyń aıtýynsha, granttar sany byltyrǵy deńgeıde saqtaldy. Joǵary oqý oryndaryna qabyldaý magıstratýra men doktorantýra deńgeıinde 28 tamyzǵa deıin jalǵasady. Qazir grantqa konkýrstyq protsedýralar júrgizilip jatyr.
- Bakalavrıatqa qabyldaý 25 tamyzda aıaqtalady. Bıyl memelekettik grant konkýrsyna 127 myńǵa jýyq talapker qatysty. Bul byltyrmen salystyrǵanda 14 myńǵa kóp. Konkýrs nátıjeleri 7 tamyzda jarııalandy. Bólingen granttardyń 98 paıyzy ıgerildi. Bıyl júrgizilgen saýalnamada anyqtalǵan suranysqa sáıkes memlekettik qoldaý kólemi qamtamasyz etildi. Sonymen birge áleýmettik osal sanattarǵa memlekettik qoldaý saqtaldy. Memlekettik granttardan bólek, ákimdikter, joǵary oqý oryndary, ártúrli qorlar jáne rektorlar esebinen shamamen 5 myń qosymsha grant qarastyrylyp otyr, - dedi mınıstr.
Buǵan deıin memlekettik grantta oqyǵan túlekterge qoıylatyn talaptar ózgergenin jazǵan edik.
