Jańa oqý jyly: bıyl granttardyń jalpy sany qansha
ASTANA. KAZINFORM — Bıyl doktorantýraǵa 3 myńnan astam grant bólindi. Bul týraly Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti málim etti.
— Osy jyly joǵary bilimi bar kadrlardy daıarlaýǵa jalpy memlekettik tapsyrys kólemi 91 957 grantty qurap otyr. Atap aıtqanda bakalavrıat — 75 371, magıstratýraǵa — 11 007, doktorantýraǵa — 3079, sondaı-aq rezıdentýraǵa 2500 grant berildi, — dep atalyp ótken komıtet málimetinde.
Aıta keteıik, elde alǵash ret rezıdentýraǵa granttar tsıfrlyq júıe arqyly bólindi.
Buǵan deıin habarlanǵandaı, joǵary oqý oryndaryna qabyldaý magıstratýra men doktorantýra deńgeıinde 28 tamyzǵa deıin jalǵasady.
Qazir grantqa konkýrstyq protsedýralar júrgizilip jatyr. Bakalavrıatqa qabyldaý 25 tamyzda aıaqtalady. Bıyl memelekettik grant konkýrsyna 127 myńǵa jýyq talapker qatysty. Bul byltyrmen salystyrǵanda 14 myńǵa kóp. Konkýrs nátıjeleri 7 tamyzda jarııalandy.
Sonymen birge, áleýmettik osal sanattarǵa memlekettik qoldaý saqtaldy. Memlekettik granttardan bólek, ákimdikter, joǵary oqý oryndary, ártúrli qorlar jáne rektorlar esebinen shamamen 5 myń qosymsha grant qarastyrylyp otyr.
Eske salsaq, 2026-2027 oqý jylynda jalpy bólingen granttyń 4%-y qandastarǵa baǵyttaldy.
