Jańa oqý jyly aldynda mektep mańyndaǵy qaýipsizdik qatań tekseriledi

ASTANA. KAZINFORM – Іshki ister mınıstri Erjan Sádenov ІІO qyzmetteri men bólimsheleri basshylyǵymen keńes ótkizip, ótken kezeńniń qorytyndysyn shyǵardy. Bul týraly Polisia.kz habarlaıdy.

Atqarylǵan keshendi profılaktıkalyq sharalardyń nátıjesinde qylmys deńgeıiniń tómendeýi men qylmystardy ashý kórsetkishiniń jaqsarǵany atap ótildi.

Keńes barysynda mınıstr birqatar aýmaqtyq departamenttiń basshylaryn tyńdap, jumysty uıymdastyrýda bar kemshilikterge nazar aýdardy.

«Zań men tártip» qaǵıdatyn júzege asyrý, jazanyń bultartpastyǵyn qamtamasyz etý, quqyq buzýshylyqtardyń aldyn alý sharalaryn kúsheıtý, qylmystyq isterdi tolyq ári sapaly tergeý jáne jábirlenýshilerge keltirilgen zalaldy óteý boıynsha naqty mindetter qoıyldy, – delingen habarlamada.

Mınıstr jeke quram arasynda tártip pen qyzmettik tártipti saqtaý mańyzdy ekenin erekshe atap ótti.

«Barlyq deńgeıdegi qyzmet pen bólim basshylary osy baǵyt úshin jeke jaýapty», – dedi Erjan Sádenov.

Jańa oqý jylynyń bastalýyna oraı vedomstvo basshysy 31 tamyz ben 9 qyrkúıek aralyǵynda «Nazar aýdaryńyz – balalar!» jedel-profılaktıkalyq is-sharasyn ótkizýdi tapsyrdy.

Onyń aıasynda bilim berý uıymdarynyń mańyndaǵy qaýipsizdikti qamtamasyz etý, tańerteńgi jáne keshki ýaqytta patrýldeýdi kúsheıtý, nysandarǵa ýchaskelik ınspektorlar men ıývenaldy polıtsııa qyzmetkerlerin bekitý, sondaı-aq oqýshylarǵa qaýipsiz júris-turys erejeleri boıynsha sabaqtar uıymdastyrý mindetteldi.

Sonymen qatar mektepterdiń qaýipsizdik ınfraqurylymyn jáne mektep avtobýstarynyń tehnıkalyq jaǵdaıyn tekserýdi aıaqtaý tapsyryldy.

ІІM kólik júrgizýshilerin bilim ordalaryna jaqyn aımaqtarda erekshe muqııat bolýǵa jáne jyldamdyq rejımin qatań saqtaýǵa shaqyrady. Sondaı-aq ata-analarǵa balalarymen kóshe men kóliktegi tártip erejeleri jóninde túsindirý jumystaryn júrgizý qajettigi eskertiledi.

Aıta keteıik, Almatyda 100-den astam mektep mańynda qorshaýlar ornatyldy.