Jańa oblys ortalyǵyna jańa bas jospar kerek – Prezıdent Qonaev qalasy týraly

QONAEV. QazAqparat – Almaty oblysynyń ortalyǵyn ekologııasy taza, ómir súrýge qolaıly «aqyldy» qala retinde damytý qajet. Bul týraly Memleket basshysy Qasym-Jomart Toqaev óńir jurtshylyǵymen kezdesýinde aıtty, dep habarlaıdy QazAqparat Aqordaǵa silteme jasap.

«Biz birlese otyryp, Qonaev qalasyn mańyzdy ári tartymdy oblys ortalyǵyna aınaldyramyz. Úkimetke osy máselelerdi sheshýde ákimdikke qoldaý kórsetýdi tapsyramyn.

Oblys ortalyǵyn Qonaevqa kóshirý jumys oryndaryn ashý, turǵyn úı qoryn ulǵaıtý, ınfraqurylymdy damytý, kóshelerdi abattandyrý josparyn júzege asyrýǵa múmkindik beredi.

Óńirde ákimshilik ǵımarattar, turǵyn úıler, aýrýhanalar, mektepter, balabaqshalar, mádenıet jáne sport nysandary jappaı salynady, sanatorııalyq jáne kýrorttyq aımaqtar paıda bolady. Oblys ortalyǵyn ekologııasy taza, ómir súrýge qolaıly «aqyldy» qala retinde damytý qajet. Jańa oblys ortalyǵyna jańa bas jospar kerek. Bur rette qalanyń jańa mártebesin eskerý mańyzdy», - dedi Prezıdent.

Buǵan deıin habarlaǵanymyzdaı, Qasym-Jomart Toqaev jumys saparymen Almaty oblysyna bardy. Memleket basshysynyń Almaty oblysy jurtshylyǵymen kezdesýi bastaldy.