Jańa nysandar bos turmaýy kerek– Berdibek Saparbaev
TARAZ. QazAqparat – Jambyl oblysynyń ákimi Berdibek Saparbaev jańa nysandar salý máselesin kóterdi. Bul týraly ol Taraz qalasyn damytý máseleleri jónindegi keńes otyrysynda aıtyldy, dep habarlaıdy QazAqparat.
Aımaq basshysynyń aıtýynsha, Tarazdaǵy barlyq bastamalar men ıgi jobalar jalǵasyn tabady. Alaıda, qurylys júrgizýde tek bıýdjet qarajatyna senim artýǵa bolmaıtynyn, bul turǵyda memlekettik-jekemenshik áriptestik sheńberinde, bıznes-qurylymdardy belsendi tartý múmkindikterin barynsha izdestirý qajettigi kóterildi. Bul týraly oblys ákiminiń baspasóz qyzmeti habarlady.
Atalǵan jıynda Taraz qalasyń ákimi Aıtqazy Qarabalaev 34 myń turǵynǵa arnalǵan shahardyń jańa 15-shi shaǵyn aýdanynda júzege asatyn jobalar týraly egjeı-tegjeıli baıandady. Onda 8 mádenı-sporttyq nysan, sondaı-aq, 17 gektarda saıabaq qurylysy júrgizilmek.
Jıynda Tarazǵa saltanat zaly, neke qııý zaly, jeńil atletıkalyq jáne gımnastıkalyq manejder sııaqty nysandardyń qajettiligi aıtyldy. Alaıda olardyń quny, tıimdi paıdalaný men qurylystarynyń syrtqy kelbetine qatysty oılanatyn máseleler joq emes.
«Eger keıin padalanýsyz, bos turatyn bolsa, jańa nysandarǵa mıllıardtaǵan teńge salyp ne utamyz? Al, Tarazdyń keıbir kóshelerinde jaryq joq, birqatar joldar men trotýarlar jóndeýdi qajet etedi. Osyǵan da kóńil bólgenimizdurys sııaqty», - dedi B. Saparbaev.
Aımaq basshysy qala ákimi Aıtqazy Qarabalaevqa shahardaǵy jaryqtandyrýsyz jáne jóndeýdi qajet etetin kóshelerdiń tizimin jasaqtap, ol úshin ýaqyt sozbaı jobalyq smetalyq qujattamalardy daıyndaı berýdi tapsyrdy.
Sondaı-aq, oblys ákiminiń aıtýynsha, jańa shaǵyn aýdandardyń qurylysy kezinde turǵyn úı kezegine taldaý júrgizý qajet. Kezekte turǵandardyń suranysy 1 bólmeli nemese eki, úsh bólmeli páter bolatyn bolsa, ony eskergen jón. Qurylys jumystaryn júrgizýde jergilikti ónimderdi barynsha paıdalaný jáne turǵyn úı qunynyń tómendetý mindetteri negizge alynbaq.
Berdibek Saparbaev Oqýshylar saraıyn salý, saıabaqtar men skverlerdi retteý, jaıaý júrginshiler alańdary men velosıped joldaryn salý, Mamyr saıabaǵyn qaıta jańǵyrtý ıdeıalaryn qoldady. Aýdan ortalyqtaryn abattandyrýǵa kóńil bóldi.
Jıyndy qorytyndylaı kele oblys ákimi osyǵan uqsas nysandary bar óńirlerdiń tájirıbesin zerdeleýge, joba quny men sapaǵa aıryqsha mán berýge, jańa jobalardy ázirleýde jergilikti erekshelikterdi eskerýge shaqyrdy.
