Jańa munaı óńdeý zaýytyna qatysty qujat qashan jarııalanady
«Búgingi kúni zaýyttyń parametrleri men ornalasatyn alańy, sondaı-aq shyǵarylatyn ónimder tizbesi men ótkizetin naryǵyn anyqtaý aıasynda tórtinshi munaı óńdeý zaýytynyń aldyn ala tehnıkalyq-ekonomıkalyq negizdemesi sońǵy ázirleý satysynda tur», - delingen mınıstrliktiń málimetinde.
Qazirgi ýaqytta aldyn ala zaýyt qurylysynyń merzimderin anyqtaýǵa, zaýyttyń ońtaıly ornalasýyn baǵalaýǵa qatysty, sonymen qatar elimizde munaı ónimderiniń tapshylyǵyn týdyratyn kezeńderdi anyqtaý boıynsha jumys jalǵasyp jatyr.
Vedomstvonyń atap ótýinshe, búgingi kúni ishki naryqtyń qajettiligin qamtamasyz etý úshin munaı ónimderiniń jetkilikti kólemi bar. Barlyq 3 munaı óńdeý zaýyty táýlik saıyn ashyq tústi munaı ónimderin óndirýmen, keıinnen olardy ishki naryqqa tıep, jóneltýmen shtattyq rejimde jumys isteýde. Sáıkesinshe, janar-jaǵarmaıǵa tapshylyq faktileriniń týyndaýy baıqalmaıdy.
«Munaı ónimderin tutyný kólemi maýsymdylyqqa baılanysty. Aýyl sharýashylyǵy jumystarynyń kezeńinde dızel otynyn tutyný kólemi artady, al jylý berý kezeńinde mazýt tutyný deńgeıi ósedi. Benzınniń tutynylýy jyl boıy birqalypty bolady»,- delingen Energetıka mınıstrliginiń jaýabynda.
Buǵan deıin Qazaqstanǵa tórtinshi munaı óńdeý zaýyty nelikten kerek ekeni aıtylǵan edi.
QR Energetıka mınıstri atalǵan zaýyt ornalasatyn óńir bıyl kúzde jarııalanatynyn habarlaǵan bolatyn.
