Jańa munaı óńdeý zaýyty salynatyn óńir qashan anyqtalady

ASTANA. QazAqpara - QR Energetıka mınıstri Qanat Bozymbaev tórtinshi munaı óńdeý zaýyty ornalasatyn óńir bıyl kúzde jarııalanatynyn aıtty, dep habarlaıdy QazAqparat tilshisi.

«Meniń oıymsha, zaýyttyń ornalasatyn jeri, onyń qýattylyǵy, salynatyn ınvestıtsııalar kólemi, óndiriletin ónimi boıynsha suraqtarǵa kúzge qaraı jaýap berýge daıyn bolamyz», - dedi mınıstr Májiliste ótip jatqan Úkimet saǵaty barysynda.

Q. Bozymbaev qazirgi ýaqytta Prezıdenttiń tapsyrmasy boıynsha jumys toby qurylǵanyn eske salyp ótti. Jumys toby tehnıkalyq-ekonomıkalyq negizdemeni ázirleýmen aınalysyp jatyr.

Eske sala ketsek, Qazaqstan Prezıdenti Nursultan Nazarbaev  9 aqpan kúni Úkimettiń keńeıtilgen otyrysynda Qazaqstanda tórtinshi munaı óńdeý zaýytyn salýǵa qatysty sheshim qabyldaýdy jedeldetý qajettigin aıtqan bolatyn.