Jańa mınıstr polıtseılerdiń baspana máselesin qalaı sheshedi
ASTANA. QazAqparat - QR Іshki ister mınıstri Erlan Turǵymbaev shalǵaı aýyldarda ýchaskelik polıtseılerdiń baspana máselesin qalaı sheshetinin aıtty, dep xabarlaıdy QazAqparat tilshisi.
«Shyny kerek, polıtsııa qyzmetkerleriniń baspana máselesi ózekti bolyp tur. Buryn qyzmettik páter alýǵa quqyǵymyz bolsa, qazir ondaı jeńildik joq. Qazir jergilikti jerde ákimdikter aldymen ýchaskelik polıtseılerge kómektesip jatyr. Eń bastysy, ondaı sharalarmen shalǵaı jatqan barlyq aýyldar men kentterdi qamtý qajet. Sonda ol jerdegi xalyq qaýipsizdik úshin alańdamaıdy. Biz ákimdikterge ótinish jasadyq, polıtsııa beketin úımen japsarlas etip salýdy suradyq. Sol kezde polıtsııa qyzmetkeri ary-beri shapqylap júrmeıdi. Óz beketinde turady ári jumys isteıdi», - dedi E.Turǵymbaev jýrnalısterge bergen suxbatynda.
Mınıstrdiń sózine qaraǵanda, búginde respýblıka boıynsha 159 myń quqyq qorǵaýshy jumys isteıdi. Olardyń ishinde Qylmystyq atqarý júıesi, Tótenshe jaǵdaılar departamentteri men Ulttyq gvardııa qyzmetkerleri kiredi. Qazirgi kezde 35 myń polıtsııa qyzmetkeri baspanaǵa zárý.
Aıta keteıik, kúni keshe QR Prezıdenti janyndaǵy Adam quqyqtary jónindegi komıssııa otyrysynda da mınıstr Erlan Turǵymbaev polıtseılerdiń baspana máselesin kótergen bolatyn.
«ІІM-niń vedomstvolyq turǵyn úı qory da, qurylys uıymy da joq. Sondyqtan qyzmetkerler jergilikti atqarýshy organdar arqyly jalpy negizde baspanamen qamtamasyz etilýi tıis. Jergilikti jerlerde bul problema keıbir óńirlerde qospaǵanda óte baıaý sheshilip jatyr. Qyzmetkerlerge baspana jaldaýǵa aqshalaı ótemaqy tóleý aıtarlyqtaı áleýmettik qoldaý sharasy sanalady. Bul rette «QR Іshki ister organdary týraly» zańmen ol ishki ister organdarynyń barlyq qyzmetkerleri úshin bekitilgen. Alaıda, búgingi kúni ІІM-niń bıýdjettik qorynyń shekteýli bolýyna baılanysty Úkimet sheshimimen bul jeńildikti jedel-tergeý bólimsheleriniń 6,5 myń qyzmetkeri ǵana paıdalanady. Bul ótemaqy berilýi tıis qyzmetkerlerdiń tek 1/6 bóligi», - deıdi E.Turǵymbaev.
