Jańa mınıstr bilim salasyndaǵy jemqorlyqpen qalaı kúrespek

NUR-SULTAN. QazAqparat - Jańadan taǵaıyndalǵan Bilim jáne ǵylym mınıstri Ashat Aımaǵambetov ózi jetekshilik etetin vedomstvoda sybaılas jemqorlyqpen kúres qalaı júrgiziletinin aıtyp berdi, dep habarlaıdy QazAqparat tilshisi.

«Jemqorlyqpen kúres - aldymyzda turǵan eń mańyzdy máseleniń biri. Biz qazirgi ýaqytta tıisti jobalyq keńseni ashý baǵytynda jumys júrgizip jatyrmyz. Sonda jemqorlyqty joıý baǵytyndaǵy naqty sharalardy qabyldaımyz. Osy keńsede monıtorıng jasaıtyn toptardy quraıyq degen jospar bar. Osy toptardyń músheligine BAQ ókilderin, azamattyq qoǵam múshelerin tartamyz», - dedi Ashat Aımaǵambetov Úkimettiń baspasóz ortalyǵynda.

Mınıstrdiń aıtýyna qaraǵanda, jemqorlyqpen kúres - mınıstrlik jumysynyń basym baǵyttarynyń biri.

«Men jańa mınıstr retinde jemqorlyqpen kúrestiń asa mańyzdy problema ekenin túsinemin. Qazirgi ýaqytta jemqorlyqpen kúres strategııasyn qaıta qarap jatyrmyz. Ustap alǵannan keıingi áńgime basqa. Másele munda belgili bir quqyqtyq kemshilikterge baılanysty. Ol kemshilikter kóp jaǵdaıda jemqorlyqqa qatysty zańbuzýshylyqtarǵa sebep bolyp jatady», - dedi Ashat Aımaǵambetov.

Eske sala ketsek, búgingi Úkimet otyrysynda Ashat Aımaǵambetov ant bergen bolatyn.