Jańa meshit 20 jyl boıy ıesiz jatqan aýdanǵa jan bitirdi (FOTO)
ASTANA. QazAqparat - Anglııadaǵy Bırmıngemge jaqyndaý ornalasqan Balsall Hels aýdanyna salynǵan jańa meshit ıesiz jatqan jerge jan bitirdi desek te bolǵandaı, dep habarlady www.muslim.kz.
Aýdan ómirine qan júgirtip, turǵyndardyń qýanyshyn arttyrǵan jobanyń jalpy shyǵyny 7,5 mln fýntty quraǵan kórinedi. Keshen quramynda sport ǵımaraty men meıramhana da bar.
Sáýletshi Bob Gosh óziniń bul jobasynyń maqsaty túrli din ókilderiniń basyn qosatyn mekenge aınaldyrý ekenin aıtady. "Bul jerdegi ǵımarat 20 jyl paıdalanylmaı kelgen. Qalanyń bul bóligin jańa meshit arqyly tiriltý kerek", - deıdi ol.
