Jańa mekenjaıǵa mobıldi qosymsha arqyly tirkeýge turýǵa bolady
«Kaspi.kz ІІM kóshi-qon qyzmeti komıtetimen, Tsıfrlyq damý, Ádilet mınıstrlikterimen birlesip jańa servısti iske qosty. Endi óz smartfonyńyzdyń ekranynda jáne osy banktiń qosymshasynda turǵylyqty jerińiz ben mekenjaı boıynsha ýaqytsha nemese turaqty tirkeýdi rásimdeı alasyz. Bul qyzmet ózińizdi, balalaryńyzdy, páterińizdegi basqa adamdardy tirkeýge nemese tirkeýden shyǵarýǵa múmkindik beredi», - dedi Іshki ister mınıstrliginiń ókili Shuǵyla Turlybek vedomstvonyń onlaın-brıfıngisinde.
Onyń aıtýynsha, tirkeý kezinde JSN engizý jetkilikti, al aty-jóni men mekenjaıy avtomatty túrde anyqtalady.
«Bul qyzmetti paıdalaný qaýipsiz. Tirkelý kezinde fotoverıfıkatsııadan ótý kerek, ol sizdiń atyńyzdan qyzmetti eshkim paıdalana almaıtynyna kepildik beredi. Azamattarǵa smartfonda kólikti tirkeý, júrgizýshi kýáligin berý, turǵylyqty jeri boıynsha tirkeý jáne esepten shyǵarý sııaqty suranysqa ıe memlekettik qyzmetter qoljetimdi», - dedi Shuǵyla Turlybek.
