Jańa mehanızm boıynsha kóppáterli úılerge kúrdeli jóndeý jumystary qalaı júrgiziledi
«Birinshiden, bul baǵytta aldaǵy eki jylǵa arnalyp respýblıkalyq bıýdjetten 30 mlrd teńgege jýyq qarajat bólindi. Jergilikti atqarýshy organdar shuǵyl kúrdeli jóndeýdi talap etetin turǵyn úıler boıynsha jobalyq-smetalyq qujattama ázirleýi kerek. Osydan keıin bıýdjet qarajaty esebinen jergilikti atqarýshy organ úıge kúrdeli jóndeý júrgizetini týraly atalǵan úılerdiń turǵyndarymen kelisim jasaıdy. Qazir baıqasańyzdar, sizderge eki – aǵymdyq jáne jınaqtaýshy shot keledi. ıAǵnı, aǵymdyq shot arqyly siz qazir ózińizge kórsetilip jatqan qyzmet úshin aqy tóleseńiz, jınaqtaýshy shot – sizdiń úıińizdiń zeınetaqy jınaǵy ispettes», - Qaıyrbek Óskenbaev OKQ-da ótken baspasóz máslıhatynda.
Vıtse-mınıstrdiń aıtýynsha, jınaqtaýshy shottyń aqshasyn tek úıdi kúrdeli jóndeýden ótkizý úshin ǵana aqsha jumsalady.
«Biz qazir tıisti zańnamalyq erejeler men aktilerdiń bárin daıyndap jatyrmyz. Ideıa mynadaı: jergilikti ákimdik respýblıkalyq bıýdjetten bólinetin qarajat pen óz bıýdjetinen shyǵaratyn qarajatty qosyp, qazir siz turǵan kóppáterli úıdi kúrdeli jóndeýden ótkizedi. Al siz aǵymdyq aı saıynǵy tólemdi júrgizip otyrasyz. Sonymen birge, osy ýaqytta jınaqtaýshy shotqa jınalǵan soma kúrdeli jóndeýge ketedi. 8 jyl ótkennen keıin jınaqtaýshy shotqa jınalǵan aqsha júrgizilgen jumys úshin ákimdikke beriledi. Al eger jınaqtaýshy shotttaǵy aqsha jetpese, Turǵyn úı jınaq banki qalǵan qaryz boıynsha 2 paıyzben nesıe beredi», - dedi ol.
Atalǵan mehanızmmen jumys bıyldan bastalady.
«Atalǵan zań jalpy turǵyn úı kommýnaldyq sharýashylyǵyna úlken ınvestıtsııa tartqaly otyr. Birneshe jyldan keıin kórkeıgen qalalarymyzdy tanymaı qalatynymyzǵa senimdimin. Atalǵan zań aqyry jergilikti atqarýshy organdarǵa qasbetterdi, shatyrlardy jóndeý boıynsha quqyq berip otyr», - dedi ol.
Eske sala ketsek, Qaıyrbek Óskenbaev jaqynda qabyldanǵan jańa zań boıynsha PIK jumysyna qandaı ózgerister engiziletinin aıtyp bergen bolatyn.
