Jańa mamandyqtarǵa boljam jasaý úshin forsaıt jobalar qajet - Bilim vıtse-mınıstri E.Imanǵalıev
ASTANA. 28 qarasha. QazAqparat - Jańa mamandyqtarǵa boljam jasaý úshin forsaıt jobalar qajet. Bul týraly búgin Astanada «Kásibı bilim jáne bıznes: áriptester dıalogy» atty V halyqaralyq forýmynda QR Bilim jáne ǵylym vıtse-mınıstri Esenǵazy Imanǵalıev málim etti.
«Kadrlyq jetispeýshilikti boljaý júıesin jolǵa qoıý kerek. Sondaı-aq ınnovatsııalyq tehnologııalar tarapynan bolatyn talaptardy esepke alǵanda jańa mamandyqtarǵa boljam jasap, ol úshin forsaıt jobalar qajet. ıAǵnı, ınnovatsııalardy engizýde qandaı quzyretter qajet bolatynyn zertteýimiz tıis. Mysaly, Reseıdegi Skolkovo bul úshin «Quzyretter-2030» úlken forsaıt jobasyn iske asyrýda. Kásipter boıynsha qajettilikter boljamyn qurý úshin ekonomıkalyq qyzmet túrleri, belsendiligi, kásipter boıynsha jumyspen qamtylǵandardyń memlekettik statıstıkasyn engizý qajet», - dedi vıtse-mınıstr.
Onyń atap ótkenindeı, sonymen qatar jumyspen qamtý organdarymen birlesip, kadrlardyń boljamy, qajettiligi týraly naqty derekterge negizdelgen kásibı baǵyt-baǵdar berý júıesin jolǵa qoıý kerek. «Jastardyń óz beıimine qaraı mamandyq tańdaý úshin barlyq jaǵdaılar jasalýy tıis. Ol úshin azamattardyń ár túrli sanattary úshin kásiptik baǵdar berýdiń biryńǵaı ádistemesin ázirleý, jumyspen qamtý ortalyqtarynyń bazasynda kásiptik baǵdar berý ınfraqurylymdaryn qurý qajet», - dep túıdi oıyn E.Imanǵalıev.
