Jańa mamandyqtar atlasy 90% daıyn – Saıasat Nurbek
«Jańa mamandyqtar atlasyn qurý jumysyna ónerkásiptik odaqtardyń, salalyq qaýymdastyqtardyń, profıldi mınıstrlikterdiń 2 myńǵa tarta sarapshysy tartyldy. Kontent qazaq, orys jáne aǵylshyn tilderinde júzege asyrylady. Kez kelgen salany, trendti, bazalyq daǵdylardy tańdap alýǵa múmkindik bar. Mamandyqtardyń kóbi jalpy kez kelgen mamanǵa gıbrıdti daǵdylardy talap ete bastaıdy. Tsıfrlyq daǵlylarǵa degen jańa talaptar paıda boldy», - dedi Saıasat Nurbek onlaın rejımde «Bolashaq» qaýymdastyǵynyń uıymdastyrýymen ótken «Jastar jáne ınnovatsııalar» forýmynda.
Onyń aıtýynsha, jańa mamandyqtardyń báriniiń tolyq katalogy (439 mamandyqtan turatyn) daıyn bolǵan. Salany tańdaı otyryp, olardy sholyp shyǵýǵa bolady.
«Atlastan bólek biz kásip baǵdary boıynsha tsıfrlyq platformany ázirledik. Testileý tsıklinen ótkennen keıin oqýshy nemese abıtýrıent belgili bir mamandyq boıynsha naqty keńes ala alady. Atlasta búkil salanyń tolyqqandy sıpattamasy berilgen. Máselen eger taý-ken metallýrgııany tańdap alsańyz, osy sala tolyqqandy sıpattalady, sala men trendtiń ózgerisi baıandalady. Jańa, transformatsııalanǵan jáne joǵalyp bara jatqan mamandyqtardyń úsh bólimi kórsetilgen», - dedi ol.
Saıasat Nurbek bul ulttyq joba bolǵandyqtan halyqqa tegin bolatynyn jetkizdi.
