Jańa maksımým: Reseıde bir táýlikte 40 myń adamnan koronavırýs tabyldy
MÁSKEÝ. TASS-QazAqparat – Reseıde koronavırýs juqtyrýdyń rastalǵan jaǵdaılarynyń sany bir táýlikte 40 251 boldy. Bul – pandemııa bastalǵaly tirkelgen jańa maksımým. Bul týraly senbi kúni jańa ınfektsııamen kúres jónindegi federaldy jedel shtab málim etti, dep habarlaıdy QazAqparat TASS agenttigine silteme jasap.
Salystyrmaly túrde aýrýǵa shaldyǵýshylar sanynyń ósimi 0,48% qurady. Pandemııa bastalǵannan beri barlyǵy 8 472 797 adam koronavırýs juqtyran.
Qazirgi ýaqytta emdelip jatqan patsıentter sany pandemııa bastalǵannan beri alǵash ret 900 000-nan asty.
Shtab málimetinshe, qazir Reseıde 903 993 adam aýyryp jatyr.
Koronavırýstan keıin emdelgen reseılikterdiń sany bir kúnde 28 909-ǵa ósti. Barlyǵy 7 331 424 adam saýyǵyp shyqqan.
Aýrýhanadan shyǵarylǵan patsıentterdiń úlesi aýrý juqtyrǵandardyń jalpy sanynyń 86,5% deńgeıinde qalǵan.
Koronavırýstan bolǵan ólim jaǵdaılarynyń sany bir kúnde 1 160-qa artqan, aýrýdan kóz jumǵandardyń jalpy sany 237 380-ge deıin ósti.
