Jańa Qylmystyq kodeksteriniń qoldanysqa enýine baılanysty ishki ister organdarynyń jumysyna mańyzdy túzetýler engiziledi
ASTANA. QazAqparat - Іshki ister mınıstri Qalmuhanbet Qasymovtyń tóraǵalyq etýimen ІІM-niń keńeıtilgen alqa májilisi ótti, onda Qazaqstan Respýblıkasynyń Prezıdenti N.Á.Nazarbaevtyń 2014 jylǵy 11 qarashadaǵy «Nurly jol - bolashaqqa jol» atty Qazaqstan halqyna Joldaýy aıasyndaǵy ishki ister organdarynyń mindetteri qaraldy, dep habarlady atalǵan vedomstvonyń baspasóz qyzmetinen.
Alqa jumysyna aýmaqtyq ishki ister, qylmystyq-atqarý júıesi, tótenshe jaǵdaılar departamentteriniń, vedomstvolyq oqý oryndarynyń basshylary, Ulttyq gvardııanyń óńirlik qolbasshylary, sondaı-aq elimizdiń barlyq qalalyq, aýdandyq jáne jelilik ishki ister organdarynyń basshylary qatysty.
Іshki ister mınıstri Memleket basshysy Joldaýynyń negizgi erejelerine naqty toqtalyp ótti. Alqa májilisinde Elbasy Joldaýynyń erejelerin ІІM-niń árbir ofıtseri men qatardaǵy jaýyngerlik quramyna jetkizý jaýapkershiligi júkteldi. Іshki ister organdary men bólinisteriniń basshylarynyń aldyna Q.Qasymov qylmystar týraly azamattardyń ótinishteri men habarlamalaryn qabyldaý jáne tirkeý kezinde zańdylyqty nyǵaıtý, qylmystardy ashý jáne tergeý tıimdiligin arttyrý, qoǵamdyq tártipti qorǵaý tetigin jetildirý, quqyq buzýshylyqtarǵa múldem tózbeýshilik qaǵıdasyn qamtamasyz etý boıynsha naqty mindetterdi belgiledi. Sonymen qatar Mınıstr jeke quram arasynda zańdylyq pen qatań tártipti, ІІM júıesinde sybaılas jemqorlyqqa qarsy is-qımyldy qamtamasyz etý, sondaı-aq ishki ister organdary qyzmetkerlerine halyqtyń senimin arttyrý jónindegi sharalardy kúsheıtýdi tapsyrdy. ІІM-niń alqa májilisinde qylmystyq zańnyń jáne qylmystyq sot óndirisiniń jańa úlgileri jaǵdaıyndaǵy jumysqa daıyndyq, sondaı-aq Sotqa deıingi tergeýdiń biryńǵaı tizilimin engizý jónindegi synaý tájirıbesiniń nátıjeleri qaraldy. Jańa Qylmystyq jáne Qylmystyq-is júrgizýshilik kodeksteriniń qoldanysqa engizilýine baılanysty ishki ister organdarynyń qylmystardy ashý jáne tergeý jónindegi jumysyna mańyzdy túzetýler engiziletini atap aıtyldy. Sonymen birge Іshki ister mınıstri basshylyq quramnan osy ótpeli kezeńde jumys qarqynynyń jáne ishki ister organdary men bólinisteriniń jedel-qyzmettik jumystary nátıjeleriniń tómendeýine jol bermeý úshin barlyq qajetti uıymdastyrýshylyq jáne praktıkalyq sharalardy qabyldaýdy talap etti.
