Jańa Qylmystyq kodeksinde lańkestikke qatysty qylmystyq jaýapkershilik kúsheıtildi

Sonymen qatar qujatta radıkaldy ıdeologııalardy taratý faktisi úshin , onyń ishinde bul áreketterdi jańa tehnologııalardy paıdalanyp júzege asyrý is-qımyldaryna jaýapkershilik qatańdatyldy.

Kodekstiń 257-babynda terrorıstik top quryp, sol sııaqty oǵan basshylyq etkenderdiń múlki tárkilenip, segiz jyldan on bes jylǵa deıingi merzimge bas bostandyǵynan aıyrýǵa jazalanady. Munymen qosa, terrorıstik toptyń áreketine nemese ol jasap jatqan terrorızm aktilerine qatysý - múlki tárkilenip, alty jyldan on eki jylǵa deıingi merzimge bas bostandyǵynan aıyrýǵa jazalanady.

Aıta keteıik, Kodekstiń 273-babynda lańkestik aktisi týraly kórineý jalǵan habarlaǵandardy jazaǵa tartý máselesi qamtylǵan. «Daıyndalyp jatqan terrorızm aktisi týraly kórineý jalǵan habarlaý alty jylǵa deıingi merzimge bas bostandyǵynan aıyrýǵa jazalanady», - delingen Kodekste.

Esterińizge sala keteıik, 2015 jyldyń 1 qańtarynan Qazaqstanda jańa Qylmystyq kodeks kúshine endi. Onda aýyr jáne asa aýyr qylmys jasaǵandarǵa qatysty sanktsııalardy qatańdatý qarastyrylǵan. Sonymen qatar kodekste jeńil-jelpi quqyq buzýshylyqtarǵa zańnamany izgilendirý de kózdelip otyr.