Jańa Qylmystyq kodeks jobasy ázirlenip jatyr
ASTANA. 4 sáýir. QazAqparat - Elimizde jańa Qylmystyq kodeks jobasy ázirlenýde. Onda terrorıstik qylmys úshin jazany qataıtý normalary kózdeledi.
Bul týraly búgin QR Parlamenti Májilisiniń jalpy otyrysynda Bas prokýrordyń birinshi orynbasary Iogan Merkel málim etti.
«Bas prokýratýra Qazaqstannyń jańa Qylmystyq kodeksiniń jobasyn daıyndaý týraly tapsyrma alǵan bolatyn. Qazirgi tańda bunymen jumys jalǵasýda. Onyń aıasynda barlyq arnaýly quqyq qorǵaý organdaryna jalpy terrorızm, sondaı-aq ony qarjylandyrý boıynsha da jaýapkershilikti arttyrý máselesine qatysty tapsyrmalar berildi», - deıdi Iogan Merkel. Onyń sózine qaraǵanda, Qylmystyq kodeks jobasy Parlamentke shamamen kelesi jyldyń alǵashqy toqsanynda joldanatyn bolady.
