Jańa Qylmystyq kodeks qabyldanǵan soń ІІM kıberqylmysqa qarsy jeke qurylym paıda bolýy múmkin
Bul týraly búgin QR Parlamenti Májilisiniń jalpy otyrysynda «Quqyq qorǵaý qyzmeti týraly» zań jobasyn talqylaý barysynda Bas prokýrordyń orynbasary Iogan Merkel málim etti.
«Jalpy kıberqylmystarǵa qarsy kúrespen dıletanttar aınalyspaýy shart. Sondyqtan da, jańa Qylmystyq kodeks qabyldanǵanda Іshki ister mınıstrligi kıberqylmystardy ashý jónindegi jeke qurylym jasaqtaýǵa májbúr bolady», - deıdi I. Merkel.
Bas prokýratýra ókiliniń aıtýynsha, budan bólek zań jobasy aıasynda quqyq qorǵaý organy qyzmetinde bolýdyń shekti jasy bekitiledi. Bul búgingi tańda osy organdaǵy bilikti kadrlyq áleýetti ustap turýǵa septigin tıgizbek.
Eske sala ketsek, «Quqyq qorǵaý qyzmeti týraly» zań jobasynda quqyq qorǵaý organdaryna qyzmetke turýǵa kandıdattardyń mindetti túrde polıgrafologııalyq zertteýden ótý tártibi zańnamalyq turǵydan bekitiledi. Májilis osy qujatty birinshi oqylymda maquldady.
Toqtala ketetin taǵy bir jaıt, búgingi tańda Qylmystyq kodekstiń jańa redaktsııadaǵy jobasyn Bas prokýratýra ázirlep jatqan bolatyn.
