Jańa qutqarý stantsııasy: alǵashqy operatsııa sátti aıaqtaldy
ASTANA. KAZINFORM - Ótken aptada Jambyl oblysynda Balqash kólinde jańa qutqarý stantsııasy jumysyn bastady, dep habarlaıdy QR Tótenshe jaǵdaılar mınıstrliginiń baspasóz qyzmeti.
Búgin qutqarýshylar alǵashqy operatsııasyn ótkizdi. Keshki ýaqytta qozǵaltqyshynyń tehnıkalyq aqaýyna baılanysty jaǵadan edáýir qashyqtyqta qalǵan balyqshy týraly aqparat kelip tústi.
Tórt qutqarýshy katermen kórsetilgen baǵytqa jedel attandy. Balyqshyny tapqannan keıin onyń qaıyǵyn tirkep, jaǵaǵa jetkizdi. Jańa bólimsheniń alǵashqy operatsııasy sátti aıaqtaldy - balyqshy qaýipsiz jerge jetkizildi.
TJM eskertedi: sýǵa shyǵar aldynda qaıyq pen qozǵaltqyshtyń jaramdylyǵyn, sondaı-aq qutqarý quraldarynyń bolýyn mindetti túrde tekserińiz. Óz qaýipsizdigińizdi saqtap, sýdaǵy qaýipsizdik erejelerin qatań saqtańyz!
Osyǵan deıinTJM jylytý maýsymyna baılanysty turǵyndarǵa eskertý jasady.
