Jańa qurylys erejesi: Almaty aýdandaryn kógaldandyrý erekshe nazarda bolady

ALMATY. QazAqparat- Almaty josparlaý jáne ýrbanıstıka basqarmasynyń basshysy Almashan Ahmedjanov óńirlik kommýnıkatsııalar qyzmetiniń alańynda qurylys júrgizýshilerge jańa qurylys erejelerine baılanysty qandaı sharttar usynylatynyn aıtty, dep habarlaıdy QazAqparat tilshisi.

Basqarma basshysynyń aıtýynsha, jańa qurylys erejelerinde megapolıs aýdandaryn kógaldandyrýǵa erekshe nazar aýdarylǵan.

«Jańa ereje boıynsha kez kelgen kvartaldy kógaldandyrýdyń jalpy aýmaǵy bir adamǵa shaqqanda kemdegende 10 sharshy metr, al qurylys alańynda bilim berý mekemeleri qadamdyq qoljetimdi, mysaly, myń adamǵa shaqqanda mektep jasyna deıingi balalar mekemelerinde keminde 100 oryn, al mektepterde keminde 180 oryn bolýy tıis», - dedi Almashan Ahmedjanov.

Jańa ereje boıynsha qurylys jobalary qoǵamdyq talqylaýdan ótýi jáne respýblıka aýmaǵynda qoldanylatyn normatıvti-tehnıkalyq talaptar ári qalanyń bas jospary men qurylys júrgizý barysynda seısmıkalyq shaǵynaýdandyrýdy eskerý talaptary saqtalýy tıis.