Jańa qurylǵan oblystardan senatorlardy saılaýshylardyń 90 paıyzǵa jýyǵy tirkeldi

NUR-SULTAN. QazAqparat - Abaı, Jetisý jáne Ulytaý oblystarynan Senat depýtattaryn saılaýshylardyń 90 paıyzǵa jýyǵy tirkeldi, dep habarlaıdy QazAqparat tilshisi.

Ortalyq saılaý komıssııanyń túsindirmesine súıensek, qaıta qurylymdalǵan úsh jańa oblystyń Senat depýtattaryn tańdaýshylar, ıaǵnı, jergilikti máslıhattardyń depýtattary janama saılaý quqyǵy negizinde jasyryn daýys berý arqyly saılaıdy.

Tańdaýshylardy tirkeý búgin saǵat 10.00-de (elorda ýaqytymen) bastaldy.

Parlament Senatyndaǵy 6 mandatqa 12 kandıdat úmitker bolyp otyr.

Barlyq úsh óńirdegi tańdaýshylardyń jalpy tizimine 346 máslıhat depýtaty engizilgen.

QR OSK málimetine súıenesek, saǵat 12.08-degi jaǵdaı boıynsha Abaı aýdanynan daýys berýge tıis 127 tańdaýshynyń 112-si, Jetisý oblysynan daýys berýge tıis 151 tańdaýshynyń 138-i, Ulytaý oblysynynan daýys berýge tıis 68 tańdaýshynyń 61-i tirkeýden ótken.

Eske salsaq, Senat depýtattaryn tańdaýshylar - máslıhattardyń depýtattary bolyp tabylatyn respýblıka azamattary janama saılaý quqyǵy negizinde jasyryn daýys berý arqyly saılaıdy.