Jańa Qurylys kodeksine seısmıkalyq qaýipti baǵalaý ınstıtýty engiziledi
ASTANA. KAZINORM — Jańa Qurylys kodeksinde seısmıkalyq qaýipti baǵalaý ınstıtýtyn engizý kózdelgen. Bul týraly búgin Májiliste atalǵan qujatty talqylaýǵa arnalǵan sarapshylyq kezdesýde Ónerkásip jáne qurylys vıtse-mınıstri Tımýr Qaraǵoıshın aıtty.
«Seısmıkalyq aımaqtardaǵy jobalaý jáne qurylys erekshelikteri» boıynsha jańa taraý engizilpdi. Elimiz úshin seısmıkalyq aımaqtardaǵy jobalaý jáne qurylys salý normalary óte mańyzdy. Óıtkeni sońǵy jyldardaǵy zertteý nátıjeleri boıynsha aýmaqtyń shamamen 45 paıyzy seısmıkalyq qaýipti aımaqtarǵa jatqyzylǵan. Qurylys obektileriniń sapasyn arttyrý úshin qurylys kompanııalarynyń seısmıkalyq oqshaýlaǵysh júıelerdi qoldanýy, seısmıkalyq qaýiptilikti aldyn ala baǵalaýdy júrgizý, qurylys úshin alańdy tańdaý, synaqtar júrgizý boıynsha jáne taǵy da keshendi sharalar qabyldaý josparlanǵan. Sondaı-aq jańa retteý ınstıtýttary da engizilmek: seısmıkalyq qaýipti baǵalaý jáne seısmıkalyq táýekeldi baǵalaý», — dedi vıtse-mınıstr.
Onyń atap ótinshe, kodeks jobasynda qurylys nysandarynyń tozyǵy jetkendigin anyqtaýǵa, konstrýktsııalardyń sapasyn tekserýge, nysandy tozǵan dep tanýǵa, qaıta jańartý múmkindigine baǵyttalǵan qoldanystaǵy qurylys nysandaryn pasporttaý jónindegi normalar kózdelgen.
«Jergilikti atqarýshy organdar qurylys nysandarynyń seısmıkalyq qaýpi men seısmıkalyq tózimdiligin baǵalaý úshin seısmıkalyq qaýipti óńirlerde pasporttaýdy júrgizýge tıis», — dedi Tımýr Qaraǵoıshın.
