«Jańa qonys» telehıkaıasynyń túsirilimi bastalyp ketti (FOTO)
ASTANA. QazAqparat - «Qazaqstan» respýblıkalyq teleradıokorporatsııasynyń tapsyrysy boıynsha «Dastan MEDIA» kınokompanııasy «Jańa qonys» (Kvartıranty) 12 serııaly telehıkaıanyń túsirilimine kirisip ketti. Sıtkom «Qazaqstan» telearnasynda qazan aıynda kórsetiledi dep josparlanýda. Bul týraly «Qazaqstan» respýblıkalyq teleradıokorporatsııasynyń baspasóz qyzmeti habarlaıdy.
Osyndaı taqyrypta hıkaıa túsirý televızııa úshin biregeı tájirıbe bolyp tabylady. Sondaı-aq, telehıkaıanyń birneshe erekshelikteri bar. Onda Qazaqstannyń jaǵdaıy jaqsaryp, aýyl adamdarynyń qalaǵa kóship kelip, óz oryndaryn tabý týraly baıandalady.
Telehıkaıada qozǵalatyn taqyryp - páter jaldap turatyn otbasynyń qyzyqtary. Qalaǵa kóship kelgen kóptegen januıalardyń basynan ótetin bul másele kórermenderge óte tanys dep aıtýǵa bolady. Sebebi, kórermen ózine etene jaqyn oqıǵalardy komedııalyq qyrynan kórgende eriksiz ezý tartatyny anyq. Qazaqy qaljyń-qaǵytpalar jyldam órbip otyratyn shytyrman oqıǵalarmen úılesken telehıkaıa kórermenniń kóńilinen shyǵatynyna senimdimiz. Hıkaıanyń negizgi keıipkerleri - Myrzahanovtar januıasy. Telehıkaıa sol otbasynyń jańa páterge kóship kelý oqıǵasymen bastalady. Osylaısha, olar armandaryna jetem degenshe ár túrli kútpegen jaıttar oryn alyp, qyzyǵy taýsylmas kúnder jalǵasa beredi.
