Jańa Konstıtýtsııasynyń jobasy memlekettiń strategııalyq damýyna tolyq jaýap beredi – Baqyt Nurmuhanov

ASTANA. KAZINFORM – Jańa Konstıtýtsııasynyń alǵashqy jobasynda kózdelgen jańashyldyqtar eldiń damý úrdisteriniń talaptaryna tolyq jaýap beredi. Bul týraly Konstıtýtsııalyq reformalar jónindegi komıssııanyń otyrysynda Konstıtýtsııalyq Sot tóraǵasynyń orynbasary Baqyt Nurmuhanov málim etti.

– Qazaqstan Respýblıkasynyń jańa Konstıtýtsııasynyń alǵashqy jobasynda kózdelgen jańashyldyqtar qoǵam men memlekettiń strategııalyq damý úrdisteriniń talaptaryna tolyq jaýap beredi. Olar qalyptasqan memlekettiliktiń konstıtýtsııalyq negizderin kúsheıte otyryp, qaıta bekitedi. Adam quqyqtary men Konstıtýtsııa negizinde quqyq ústemdigin qamtamasyz etýge qajetti jaǵdaılar jasaıdy, - dedi Baqyt Nurmuhanov jańa Konstıtýtsııanyń jobasyn tanystyrý kezinde.

Osy oraıda ol «Kúshti Prezıdent – Yqpaldy Parlament – esep beretin Úkimet» tujyrymdamasynyń logıkasyna saı keletinin atap ótti.

– Qoǵam men memleket evolıýtsııasynyń jańa bir kezeńin ashýǵa negizder qalaıdy. Bul joba boıynsha sizderdiń salıqaly pikirlerińiz ben belsendi azamattar men uıymdardyń usynymdary ary qaraı jumys barysynda da qundy azyq bolady, - dedi Konstıtýtsııalyq Sot tóraǵasynyń orynbasary Konstıtýtsııalyq komıssııa múshelerine qarata aıtqan sózinde.

Budan buryn habarlanǵandaı, jańa Konstıtýtsııanyń jobasyndaǵy úshinshi «Prezıdent» bólimine tujyrymdamalyq turǵydan qaıta qaralǵan jáne múlde jańa erejeler endi. 

Sonymen qatar Quryltaı tóraǵasynyń laýazymyna qatysty máseleler jeke bapta retteldi.