Jańa Konstıtýtsııanyń jobasynda Úkimettiń qyzmetine arnalǵan normalar naqtylanyp jatyr

ASTANA. KAZINFORM – Jańa Konstıtýtsııanyń jobasynyń altynshy bólimi Úkimetke arnalady. Bul týraly Konstıtýtsııalyq reformalar jónindegi komıssııanyń otyrysynda Konstıtýtsııalyq Sot tóraǵasynyń orynbasary Baqyt Nurmuhanov málim etti.

– Kelesi besinshi bólim «Úkimetke» arnalyp otyr. Bir palataly Quryltaıǵa kóshýge baılanysty kóptegen erejeler naqtylandy. Olar Úkimet pen onyń músheleriniń Quryltaı aldyndaǵy jaýaptylyǵy men esep berý, senimsizdik votýmyn bildirý, Quryltaıǵa zań jobalaryn engizý, respýblıkalyq bıýdjet jáne onyń atqarylýy týraly esep berý máselelerine baılanysty bolyp otyr, - dedi Baqyt Nurmuhanov jańa Konstıtýtsııanyń sońǵy nusqasyn tanystyrý kezinde.

Onyń aıtýynsha, Konstıtýtsııanyń altynshy bólim eki baptan turady. Olar Qazaqstan Halyq Keńesine qatysty máselelerdi retteıdi. Quramyna el azamattary kiretin bul joǵary konsýltatıvtik organ Qazaqstan halqynyń múddesin bildiredi. Onyń Quryltaıǵa zań jobalaryn engizý, respýblıkalyq referendým taǵaıyndaý týraly usynysqa bastama jasaý jáne basqa da mańyzdy ókilettikteri belgilendi.