Jańa Konstıtýtsııada jeke derekter men habarlamalar qupııasy qorǵalady

ASTANA. KAZINFORM — Bul týraly Konstıtýtsııalyq sot tóraǵasynyń orynbasary Baqyt Nurmuhanov Konstıtýtsııalyq komıssııanyń 6-otyrysynda aıtty. 

Óz sózinde spıker Konstıtýtsııa jobasynda sóz erkindigine, ǵylymı, tehnıkalyq, kórkem shyǵarmashylyq erkindigine, zııatkerlik menshik uǵymyna qatysty erejeler tolyǵymen qoldaý tapqanyn aıtýda.

− Bank operatsııalarynyń, jeke salymdar men jınaqtardyń, jazysqan hattardyń, telefon arqyly sóılesken sózderdiń jáne baılanys quraldaryndaǵy ózge de habarlamalardyń qupııasy zańmen qorǵalatyny erekshe kórsetilip otyr. Bul tsıfrlyq tehnologııalardy qoldaný arqyly beriletin habarlamalarǵa da qatysty, − dedi Baqyt Nurmuhanov.

Eske sala ketsek, Konstıtýtsııalyq komıssııanyń 6-otyrysynda jańa Konstıtýtsııa jobasy tanystyryldy.

Jańa Konstıtýtsııanyń jobasynda «Prezıdent» bólimine múlde jańa erejeler endi.

Quryltaı tóraǵasynyń laýazymyna qatysty máseleler jeke bapta retteldi.

Sondaı-aq, Jańa Konstıtýtsııanyń jobasynda Úkimettiń qyzmetine arnalǵan normalar naqtylanyp jatyr.