Jańa Konstıtýtsııa jobasynyń mátini respýblıkalyq BAQ-ta jarııalanady

ASTANA. KAZINFORM – Jańa Konstıtýtsııa jobasynyń mátini respýblıkalyq BAQ-ta jarııalanady. Bul týraly Konstıtýtsııalyq reformalar jónindegi komıssııanyń 6-otyrysynda Konstıtýtsııalyq sot tóraǵasy Elvıra Ázimova aıtty.

- Konstıtýtsııalyq reformalardyń aýqymy men tereńdigin eskersek, ony máni jaǵynan quqyqtyq túzetýler paketi emes, Qazaqstan Respýblıkasynyń jańa Konstıtýtsııasy retinde qarastyrý qajet. Osyǵan baılanysty azamattadyń jańa Konstıtýtsııa mátinimen tanysý múmkindigin qamtamasyz etý qajettiligin eskere otyryp, Konstıtýtsııalyq sot apparatyna Konstıtýtsııa jobasynyń mátinin «Egemen Qazaqstan» jáne «Kazahstanskaıa pravda» gazetterinde jarııalaýdy, sondaı-aq ony Konstıtýtsııalyq sottyń resmı saıtynda ornalstyrýdy tapsyramyn,- dedi Elvıra Ázimova.

Sonymen qatar Konstıtýtsııalyq sot tóraǵasy komıssııa múshelerin alda mańyzdy kezeń kútip turǵanyn eskertti.

- Ol – jańa Konstıtýtsııany azamattardyń tikeleı qatysýmen keńinen talqylaý. Biz úshin jobany qoǵamnyń pikirimen tolyqtyryp alý mazmundy. Azamattar Ata zań mátinimen tanysqannan keıin komıssııa jumysyn jalǵastyrady. Kostıtýtsııalyq komıssııa atynan osy jumysqa qatysqan barshańyzǵa shynaıy alǵysymdy bildirgim keledi, - dep túıindedi otyrysty Elvıra Ázimova.

Buǵan deıin Memlekettik keńesshi Erlan Qarın Jańa Konstıtýtsııadaǵy Qazaqstan Respýblıkasy qyzmetiniń negizgi qaǵıdattaryn ataǵan edi.