Jańa Konstıtýtsııa jobasynda ǵylym men bilim salasy mańyzdy oryn alady — akademık

ASTANA. KAZINFORM – Ulttyq ǵylym akademııasynyń akademıgi Vıacheslav Lokshın ǵylym men bilim berýdi el damýynyń strategııalyq basymdyǵy retinde bekitýdi kózdeıtin konstıtýtsııalyq reformany qoldaıtynyn aıtty. 

Onyń aıtýynsha, ǵylym men mádenıettiń rólin Konstıtýtsııa deńgeıinde moıyndaý elimizdiń alǵa jyljýynyń negizgi faktory sanalady.

— Ǵylym, ǵalymdar, mádenıet, bilim memleketimizdi damytýdyń strategııalyq basymdyǵy retinde tanylady. Bul memleket irgeli jáne qoldanbaly ǵylymı zertteýlerdi qoldaıtynyn bildiredi. Medıtsına — ǵylym retinde osyndaı salalardyń biri. Konstıtýtsııada azamattyń densaýlyǵyna qatysty quqyǵy bekitilgen, — dep atap ótti Vıacheslav Lokshın.

Aıta ketelik Bektenov jańa Konstıtýtsııa jobasyn halyqqa jan-jaqty túsindirý jumystaryn kúsheıtýdi tapsyrǵan edi.