Jańa Konstıtýtsııa jobasyn jarııa talqylaý qoǵamnyń suranystaryn eskerýge múmkindik berdi — Roman Sklıar

ASTANA. KAZINFORM — Premer-mınıstrdiń birinshi orynbasary Roman Sklıar Energetıka mınıstrliginiń alqa májilisin qorytyndylap, jańa Konstıtýtsııa jobasy týraly pikir bildirdi. 

 — Biz jańa Konstıtýtsııa jobasyna arnalǵan respýblıkalyq referendým qarsańynda memlekettik damýdyń irgeli negizderin jańartýdyń mańyzdy kezeńine qadam basyp otyrmyz. Negizgi zańnyń jobasyn jarııa talqylaýǵa sarapshylar qaýymdastyǵy, túrli sala ókilderi men belsendi azamattar qatysty. Mundaı format protsestiń ashyqtyǵyn qamtamasyz etýge jáne memlekettik ınstıtýttardyń jaýapkershiligi men tıimdiligin arttyrýǵa baǵyttalǵan qoǵamdyq suranystardy eskerýge múmkindik berdi, — dedi vıtse-premer.

Sondaı-aq, ol eldiń energetıkalyq qaýipsizdigi men tabıǵı resýrstardy utymdy paıdalaný máselesi el damýynyń jańa konstıtýtsııalyq modeline saı ekenin atap ótti.

— Bul mınıstrlikke erekshe jaýapkershilik júkteıdi. Basymdyqty shıkizat modelinen tereń óńdeý men joǵary qosylǵan qun qalyptastyrýǵa kóshirý talap etiledi, — dedi Roman Sklıar.

Buǵan deıin 15 naýryzda ótetin referendýmdy TMD-dan 100-ge jýyq baıqaýshy qadaǵalaıtynyn jazǵan edik.