Konstıtýtsııa jobasyna qatysty jalǵan aqparat taratqandar jaýapqa tartyldy
ASTANA. KAZINFORM — Іshki ister mınıstrligi áleýmettik jeliler men messendjerlerde jalǵan aqparat pen arandatýshylyq sıpattaǵy habarlamalardyń taralý derekteri artqanyn málimdedi.
Qoǵamdyq keńistikte, onyń ishinde Qazaqstan Respýblıkasy jańa Konstıtýtsııasynyń jobasyna qatysty faktilerdi ádeıi burmalaý jáne jalǵan málimetter taratý jaǵdaılary tirkelip jatyr. Mundaı áreketter azamattardy jańylystyryp, qoǵamdyq turaqtylyqqa qaýip tóndiredi. Mysaly, Almaty qalasynyń turǵyny ınternette jańa Konstıtýtsııa jobasynda jerdi sheteldikterge satýǵa tyıym alynyp tastaldy degen jalǵan aqparat taratqan. Іshki ister mınıstrligi departamentiniń bastyǵy — resmı ókili Shyńǵys Alekeshevtiń aıtýynsha, bul málimetter shyndyqqa sáıkes kelmeıdi jáne olardy jalǵan aqparatqa qarsy is-qımyl ortalyǵy resmı túrde joqqa shyǵarǵan. Osyǵan baılanysty atalǵan azamat jalǵan aqparat taratqany úshin jaýapkershilikke tartyldy.
Sondaı-aq Abaı oblysynda Semeı qalasynyń turǵyny jańa Konstıtýtsııa jobasynda memlekettiń ýnıtarlyǵy men aýmaqtyq tutastyǵyna kúmán keltiretin túzetýler bar degen jalǵan aqparat jarııalaǵany úshin jaýapkershilikke tartyldy. Shyn máninde, bul qaǵıdattar jańa Konstıtýtsııa jobasynda kerisinshe tikeleı bekitilip, kúsheıtilgen.
Іshki ister mınıstrligi Konstıtýtsııa jobasyn talqylaý, azamattardyń óz pikirleri men ustanymdaryn bildirýi zań buzýshylyqqa jatpaıtynyn eske salady. Jaýapkershilik tek qana kórineý jalǵan aqparat taratý jáne faktilerdi ádeıi burmalaý úshin kózdelgen.
Qazir azamattardy jańylystyrýǵa jáne qoǵamdyq ahýaldy turaqsyzdandyrýǵa baǵyttalǵan ózge de jalǵan aqparat taratý faktileri anyqtalyp otyr.
— Biz azamattardy durys sheshim qabyldaýǵa, arandatýǵa ermeýge jáne tek resmı ári tekserilgen aqparat kózderine senýge shaqyramyz. Іshki ister mınıstrligi jaǵdaıdy tolyq baqylaýda ustap otyr jáne kez kelgen turaqsyzdandyrý áreketterin qatań den qoıady, — dep atap ótti Shyńǵys Alekeshev.
Іshki ister mınıstrligi kórineý jalǵan aqparat taratý men arandatýshylyq áreketter, sebep-saldaryna qaramastan, Qazaqstan Respýblıkasynyń zańnamasyna sáıkes qylmystyq jáne ákimshilik jaýapkershilikke ákep soǵatynyn atap ótti.
Budan buryn Almatydaǵy demalys ornynan «oıyn-saýyqqa arnalǵan gaz» tabylǵanyn jazǵanbyz.