Jańa Konstıtýtsııa jobasy biraz ýaqyt boıy daıyndaldy – Memleket basshysy
ASTANA. KAZINFORM — Memleket basshysy jańa Konstıtýtsııa jobasyna qatysty referendýmda daýys bergennen keıin jýrnalısterge arnalǵan brıfıng ótkizdi.
– Buǵan deıin aıtqanymdaı, Konstıtýtsııa jobasyn ázirleý jumystary biraz ýaqytqa sozyldy. 2022 jyly Konstıtýtsııaǵa ózgerister engizilgeni ózderińizge málim. Sol kezdiń ózinde jańa Konstıtýtsııa qabyldaýǵa bolar edi. Biraq biz ondaı qadamǵa barmadyq.
Degenmen jańa Konstıtýtsııa qabyldaý týraly ıdeıa paıda boldy. Shamamen eki jyl buryn iske kiristim. Elimizge jańa Konstıtýtsııa qabyldaý kerek degen uıǵarymǵa keldim. Qazaqstan, eń aldymen, zaıyrly memleket bolýǵa tıis. Bul Konstıtýtsııa elimizdi ilgeriletinine eshqandaı kúmánim joq. Biz kóshten qalmaı, progrestiń aldyńǵy shebinde júrýimiz kerek. Ozyq el bolsaq, basqa memleketter bizge qurmetpen qaraıdy. El taǵdyry óz qolymyzda. Sol úshin tabandy eńbek etý kerek. Aldymyzda turǵan eń úlken maqsat – osy.
Sondaı-aq ol zaıyrlylyq ustanymynyń mańyzyn atap ótip, jańa Ata zań ozyq, ilgeri Qazaqstannyń Konstıtýtsııasyna aınalatynyna senim bildirdi.
Aıta keteıik buǵan deıin «Referendým – 2026» respýblıkalyq onlaın marafony ótip jatqanyn jazǵanbyz.
