Jańa Konstıtýtsııa jastarǵa arnalady – Memleket basshysy

ASTANA. KAZINFORM – Jańa Ata zań – elimizdiń, ásirese, jastardyń – temirqazyǵy. Bul jóninde Memleket basshysy referendýmda daýys bergennen keıin BAQ ókilderi úshin ótkizgen brıfıngte málimdedi. 

– Bul – zań men tártip ústemdik quratyn Ádiletti Qazaqstannyń Konstıtýtsııasy, bolashaqqa baǵdarlanǵan qujat. Ata zań aldymen jastarǵa arnalǵan, ıaǵnı jas býynnyń temirqazyǵy bolýǵa tıis. Jańa Ata zańnyń maqsaty – osy. Qazaqstan progressıvti, zamanaýı memleketke aınalýy kerek. Bul – bizdiń aldymyzda turǵan eń basty mindet, – dedi Qasym-Jomart Toqaev.

Aıta ketelik brıfıng barysynda Prezıdent kez kelgen qaqtyǵysty dıplomatııalyq jolmen sheshýdi jaqtaıtynyn aıtqan edi. 

Aıta keteıik buǵan deıin álemniń 40-tan astam elinde referendým ýchaskeleri jumys istep jatqanyn jazǵanbyz.

Sondaı-aq daýys berý quqyǵy bar el turǵyndarynyń 37,54 paıyzy óz tańdaýyn jasady.