Jańa Konstıtýtsııa kúshine engen kúni 857 kishkentaı qazaqstandyq dúnıege keldi
ASTANA. KAZINFORM — 1 shilde Qazaqstan Respýblıkasynyń jańa Konstıtýtsııasy kúshine engen kúni elimizde 857 sábı ómirge keldi.
Júzdegen otbasy úshin bul kún memleket tarıhyndaǵy ǵana emes, óz áýletteriniń de erekshe kúnine aınaldy.
Óńirlik densaýlyq saqtaý basqarmalarynyń málimetinshe, dúnıege kelgen nárestelerdiń 435-i – ul, 422-si – qyz. Sonymen qatar Atyraý jáne Almaty oblystarynda eki egiz sábı dúnıege keldi.
Árbir jańa ómir – eldiń jarqyn bolashaǵyna bastar mańyzdy qadam. Jańa Konstıtýtsııa kúshine engen tarıhı kúni 857 kishkentaı qazaqstandyqtyń ómirge kelýi – memlekettiń konstıtýtsııalyq damýynyń jańa kezeńimen úndesken aıryqsha oqıǵa.
Qazaqstan Respýblıkasy Densaýlyq saqtaý mınıstrligi ata-analardy otbasyndaǵy qýanyshty jańalyqpen quttyqtap, sábılerge zor densaýlyq, baqytty balalyq shaq jáne amandyq tileıdi.
Aıta ketelik Qazaqstanda demografııa boıynsha alǵashqy Ulttyq baıandama ázirlenedi.
