Jańa Konstıtýtsııa keleshekte basqa elderge de úlgi men baǵdar bolady – Erlan Qarın

ASTANA. KAZINFORM – Konstıtýtsııada alǵash ret azamattardyń tsıfrlyq keńistiktegi quqyqtaryn qorǵaý normasy bektiledi. Bul týraly Konstıtýtsııalyq reformalar jónindegi komıssııanyń otyrysynda Memlekettik keńesshi Erlan Qarın aıtty.

- Ekinshi – Konstıtýtsııa jańa mátiniń jańa talaptarǵa saı jazylýy. Biz tsıfrlyq dáýirde ómir súrip jatyrmyz. Azamattar men memlekettiń qarym-qatynasy búginde tsıfrlyq keńistikte júzege asyp jatyr. Endi mine Konstıtýtsııada alǵash ret azamattardyń tsıfrlyq keńistiktegi quqyqtaryn qorǵaý normasy bektiledi, - dedi Memlekettik keńesshi.

Onyń atap ótýinshe, jeke derekterdi qorǵaý búginde adam quqyqtaryn qorǵaýdyń jańa ólshemi retinde aıqyndalady

- Bul Konstıtýtsııanyń bolashaqqa baǵyttalǵanyn kórsetedi. Osy turǵydan alǵanda jańa Konstıtýtsııa keleshekte basqa elderge de úlgi men baǵdar bolady dep oılaımyn,- dedi Erlan Qarın.

Buǵan deıin E.Bóketov atyndaǵy Qaraǵandy ýnıversıtetiniń rektory Nurlan Dýlatbekov jańartylatyn Konstıtýtsııanyń kirispesindegi ózgeshelikterdi tárbıe quraly retinde baǵalady.