Jańa Konstıtýtsııa Qazaqstannyń saıası damýyna serpin beredi – sarapshy
QYZYLORDA. KAZINFORM — 1 shildede Qazaqstannyń jańa Konstıtýtsııasynyń kúshine enýimen birge elimiz jańa saıası damý jolyna qadam basty. Bul memlekettik qurylymdaǵy mańyzdy ózgeristi kórsetedi. Bakýdegi Kazinform agenttiginiń tilshisimen suhbatta CASPIA analıtıkalyq ortalyǵynyń dırektory Orhan Iolchýev osyndaı pikir bildirdi.
Sarapshynyń sózinshe, jańa basty zańnyń qabyldanýy Qazaqstan qoǵamynda keıingi on jylda bolǵan aýqymdy ózgeristerge zańdy jaýap boldy.
— Áńgime jańa saıası kezeńniń bastalýy týrasynda. Jańa Konstıtýtsııa memlekettik bılik júıesiniń túbegeıli jańarýyn beıneleıdi, — dedi Orhan Iolchýev.
Sarapshy bul qujat qujat qazaqstandyq memlekettiliktiń negizgi qaǵıdattaryn, onyń ishinde egemendik, táýelsizdik, aýmaqtyń tutastyǵy jáne memlekettik qurylys formasyn bekitetinin atap ótti. Aıtýynsha, konstıtýtsııalyq ózgerister belsendiligi artqan, ekonomıkalyq turǵydan damyǵan jáne saıası tanymy keńeıgen qoǵamnyń damý qarqynyn aıqyndaıdy.
Ortalyq jetekshisi memlekettik bılik júıesin jańǵyrtýǵa mán berdi.
— Qospalataly parlament dáýiri aıaqtaldy. Jańa úlgige kóshý elimizdiń barlyq saıası arhıtektýralyq qurylymyn qaıtadan paıymdaýǵa, memlekettik sheshimder qabyldaý sapasyn kóterýge múmkindik beredi, — dep esepteıti CASPIA dırektory.
Onyń aıtýynsha, jańa basqarý júıesi sheshim qabyldaýdaǵy artyq deńgeılerdi qysqartýǵa, zań shyǵarý protsesiniń barynsha ashyq bolýyna jáne negizgi memlekettik ınstıtýttardyń ózara is-qımylynyń tıimdiligin barynsha arttyrýǵa baǵyttalǵan.
Orhan Iolchýev sondaı-aq reformalardyń Eýrazııadaǵy qarqyny kúsheıgen geosaıası básekelestik jaǵdaıynda ótip jatqanyn, bul Qazaqstannyń ishki turaqtylyǵyn erekshe mańyzdy faktorǵa aınaldyratynyn jetkizdi.
— Memlekettik ınstıtýttar neǵurlym turaqty bolsa, memlekettiń syrtqy saıasatty júrgizý jáne táýelsiz baǵytty saqtap qalý soǵurlym qabileti joǵary, — dedi sarapshy.
Onyń sózinshe, jańa Konstıtýtsııanyń qabyldanýy jańǵyrtýlardyń aıaqtalǵanyn bildirmeıdi. Áńgime uzaq merzimdi reformalar protsesiniń bastalǵany týrasynda. Munyń nátıjesine taıaý jyldary kóz jetkize bastaımyz.
— Zamanaýı Qazaqstan 1995 jylmen salystyrǵanda ózgeshe reńkke ıe. Sondyqtan memlekettiń quqyqtyq negizi jańa talaptarǵa, damý deńgeıine jáne jańa shaqyrtýlarǵa saı bolýy kerek, — dedi Orhan Iolchýev.
Sarapshynyń pikirinshe, jańa Konstıtýtsııa Qazaqstannyń Ortalyq Azııadaǵy barynsha turaqty ári ornyqty memleket retinde nyǵaıýyna yqpal etedi.
