Jańa Konstıtýtsııa Braıl qarpinde jaryq kórdi
ASTANA. KAZINFORM —Qazaqstan Respýblıkasynyń Ulttyq kitaphanasynda Braıl qarpimen basylǵan Jańa Konstıtýtsııa tanystyryldy, dep habarlaıdy Mádenıet jáne aqparat mınıstrliginiń baspasóz qyzmeti.
Bul bastama zaǵıp jáne nashar kóretin azamattardyń Ata Zańdy oqýyna múmkindik berip, olardyń quqyqtaryn qorǵaýǵa jáne qoǵam ómirine belsendi aralasýyna yqpal etedi.
Іs-sharaǵa Mádenıet jáne aqparat mınıstrliginiń ókilderi, zań salasynyń mamandary men osy baǵytta jumys isteıtin qoǵamdyq uıymdardyń jetekshileri qatysty.
Jıyn barysynda qatysýshylar Braıl qarpinde jaryq kórgen Konstıtýtsııanyń mańyzyna toqtalyp, Ata Zańnyń barshaǵa birdeı qoljetimdi bolýy qoǵamdaǵy teńdik pen ádilet qaǵıdattaryn nyǵaıtatynyn atap ótti.
Aldaǵy ýaqytta Braıl qarpimen basylǵan Konstıtýtsııanyń danalary óńirlerdegi arnaıy kitaphanalar men zaǵıp jáne nashar kóretin azamattarǵa qyzmet kórsetetin mekemelerge joldanady.
Osyǵan deıin Memleket basshysy Qasym-Jomart Toqaevtyń Qazaqstannyń Jańa Konstıtýtsııasynyń kúshine enýine oraı úndeý jasaǵanyn jazǵanbyz.
