Brıýsseldegi «Shanyraq Dialogues» kezdesýinde jańa Konstıtýtsııa boıynsha referendým máselesi talqylandy
ASTANA. KAZINFORM – Qazaqstannyń Belgııadaǵy elshiliginde Eýroodaqtyń negizgi ınstıtýttarynyń ókilderi, resmı jáne sarapshy ókilderdiń qatysýymen Qazaqstannyń jańa Konstıtýtsııasynyń jobasy men aldaǵy referendýmdy talqylaý ótti, dep habarlaıdy Kazinform-nyń Brıýsseldegi menshikti tilshisi.
Talqylaý memlekettik organdar, sarapshylar qaýymdastyǵy jáne azamattyq qoǵam ókilderi arasynda Qazaqstanǵa qatysty máseleler boıynsha maǵynaly pikir almasý úshin ashyq alańǵa aınalýdy maqsat etetin «Shanyraq Dialogues» jańa platformasynyń resmı túrde iske qosylýy aıasynda uıymdastyryldy.
Qazaqstannyń Belgııa men Lıýksembýrgtegi Elshisi jáne Eýropalyq Odaq pen NATO-daǵy Turaqty ókili Roman Vasılenko Qazaqstandaǵy konstıtýtsııalyq reformanyń qazirgi kezeńi, onyń eldiń ishki damýy úshin mańyzdylyǵy jáne eýropalyq seriktestermen ózara is-qımyly týraly baıandady.
Elshi reforma bastamasy Prezıdent Qasym-Jomart Toqaev júrgizip otyrǵan eldiń saıası júıesin aýqymdy jańǵyrtýdyń bir bóligi ekenin jáne onyń memlekettik basqarýdyń tıimdirek, ashyq jáne esep beretin modelin qurýǵa baǵyttalǵanyn atap ótti.
Іs-sharaǵa qonaq retinde shaqyrylǵan eýropalyq «Eualive» onlaın basylymynyń negizin qalaýshy jáne bas redaktory Georgıı Gotev te spıker retinde sóz sóılep, júrip jatqan protsesterdiń Qazaqstan men Eýropalyq Odaq arasyndaǵy qarym-qatynastar úshin mańyzdylyǵy týraly kózqarasyn bildirdi.
Baıandamalardan keıin qyzý jáne syndarly atmosferada suraq-jaýap sessııasy ótti.
Іs-shara qonaqtary konstıtýtsııalyq reformanyń mán-jaılaryna, ony júzege asyrý tetikterine, sondaı-aq Qazaqstannyń saıası júıesin damytý jáne eýropalyq seriktestermen yntymaqtastyqty tereńdetý perspektıvalaryna shynaıy qyzyǵýshylyq tanytty. Talqylaý ashyqtyǵy jáne mazmundylyǵymen erekshelendi, bul qatysýshylarǵa reformanyń eń ózekti aspektileri boıynsha pikir almasýǵa jáne egjeı-tegjeıli túsiniktemeler alýǵa múmkindik berdi.
Іs-shara kásibı jáne mazmundy talqylaý úshin jańa dıalog platformasyna suranysty rastady. «Shanyraq Dialogues» iske qosylýy Qazaqstan men onyń eýropalyq seriktesteri arasyndaǵy ózara túsinistik pen senimdi nyǵaıtýdaǵy jańa qadam bolyp, damý jáne yntymaqtastyqtyń basty máseleleri boıynsha ashyq talqylaýǵa ázirlikti tanytty.
Eske sala ketsek, 2025 jyldyń qarashasynda rıýsselde Qazaq mádenıet ortalyǵy ashyldy.
