Jańa Konstıtýtsııa bılikti bir qolǵa shoǵyrlandyrý múmkindigin tolyqtaı joqqa shyǵarady – depýtat

ASTANA. KAZINFORM – Jańa Konstıtýtsııa bılikti bir qolǵa shoǵyrlandyrý múmkindigin tolyqtaı joqqa shyǵarady. Bul týraly búgin Májilistiń jalpy otyrysynda jańa Konstıtýtsııa jobasyn talqylaý barysynda depýtat Nurlan Áýesbaev aıtty.

– Aıryqsha atap ótetin taǵy bir jaıt – Konstıtýtsııanyń jańa jobasynda bılikti bir qolǵa shoǵyrlandyrý múmkindigin tolyqtaı joqqa shyǵarady. Prezıdent ókilettiligi bir ret qana mindettelip, tek jeti jyldyq merzim bekitildi. Al prezıdent ókilettiligin ýaqytsha atqarýshy tulǵaǵa endi qaıta saılaný quqyǵy berilmeıdi. Sonymen qatar kelesi prezıdentke Konstıtýtsııany ózgertýge parlamentti taratý quqyǵy negizsiz dep tanyldy, - dedi ol.

Depýtat beıbit jınalystar men sóz bostandyǵy máselesine jeke toqtalyp, qoǵamda «Ata zańnyń jańa jobasy negizinde azamattardyń quqyqtary shekteledi» degen alańdaýshylyq bar ekenin aıtty.

– Alaıda, usynylǵan normalardy muqııat oqysańyz, adam quqyqtarynyń shektelýi týraly eshqandaı oı qozǵalmaǵan. Atap aıtqanda, beıbit jınalys ótkizý erkindigi, sóz bostandyǵy, óz pikirin aıtý quqyǵy – buryn qalaı bar bolsa, sol kúıinde aına qatesiz saqtaldy. Tek tujyrymdamalar naqtylanyp, quqyqtyq rásimdeýler túzetilýde. Sondyqtan muny «shek keltirý» dep kórsetýge negiz joq, - dedi Nurlan Áýesbaev.

Aıta keteıik, jańa Konstıtýtsııa jobasyn talqylaý barysynda depýtat Erkin Ábil «Uly dala» uǵymynyń Konstıtýtsııada kórinis tabýy – tarıhı sabaqtastyqty quqyqtyq deńgeıde bekitýdiń naqty dáleli ekenin aıtqan edi.