Jańa kompıýterlik vırýs san myńdaǵan qurylǵylardy búldire alady
ASTANA. QazAqparat - Sarapshylar júzdegen myń elektrondyq qurylǵy, qosymshalar men qyzmetterdi isten shyǵara alatyn jańa kompıýterlik osaldyqty anyqtady.
Qaýiptiń qanshalyqty kúrdeli ekeni ázirge belgisiz. Keıbir sarapshylar onyń apatqa ákelip soqtyratynyn shamalap ta otyr. Al bir bóligi qaýiptiń jolyn kesýge bolatynyna senimdi.
Google sarapshylary óz blogynda bul problemany bylaısha sýrettedi. Aram oılylar barlyq jerde iske qosylyp otyrǵan kompıýterlik kodtyń kómegimen paıdalanýshylardyń qurylǵylaryna baqylaý jasaı alady. Problemany glibc-te anyqtaǵan, bul ǵalamtorǵa qosylatyn qurylǵylarda paıdalanylatyn túrli kodtardyń bazasy.
Bul kod bolsa, baǵdarlamalaýdyń kóptegen tilderiniń, mysaly PHP nemese Python negizinde jatyr. Bul birqatar saıttar men servısterge áleýetti qaýip tóndirip otyr - hakerler álemdik vırtýaldyq júıelerdiń aıtarlyqtaı bóligin buzyp nemese olarǵa baqylaý jasaı alady.
Google-diń ınjenerleri Red Hat-taǵy qaýipsizdik mamandarymen birlesip problemany sheshe alatyn baǵdarlamalyq qamtýdy ázirlep shyǵardy.
Problema, bul kodty qansha júıe men qurylǵynyń paıdalanyp otyrǵany, ıaǵnı qanshasyna qaýip tónip turǵany belgisiz bolýynda. Bul kitaphanany paıdalanbaıtyn Android bazasyndaǵy qurylǵylar ǵana qaýipsizdik aımaqta qalyp otyr. Sondaı-aq Windows pen OS X operatsııalyq baǵdarlamalaryna da qaýip tónbeýde.
