Jańa Kedendik kodeks Qazaqstanǵa oıynshyq jetkizý erejesin kúsheıtti
«Birinshiden, shartty túrde shyǵarýǵa tyıym salýǵa qatysty taýarlar tizimin anyqtaýǵa Úkimettiń quzireti bekitildi. Máselen, balalar oıynshyǵy syndy belgili bir taýar túrleriniń qaýipsiz ekeni, tehnıkalyq reglamentterge sáıkestigi rastalǵan jaǵdaıda ǵana erkin aınalymǵa jiberiledi», - dedi QR Ulttyq ekonomıka vıtse-mınıstri Baýyrjan Bekeshev Ortalyq kommýnıkatsııalar qyzmetinde ótken baspasóz máslıhatynda.
Vıtse-mınıstrdiń aıtýynsha, shartty túrde shyǵarýǵa tyıym salynǵan taýarlar tizimin quzyrly organdar áli de talqylap jatyr.
«Bul tizim áli de jetildiriledi jáne qazir memlekettik organdardyń kelisiminde jatyr. Onda balalar oıynshyǵy, gıgıena zattary syndy ózge de taýarlar enedi. Bul eń aldymen balalarǵa jáne adam tánine qatysty. Tizim bekitilgen soń, resmı túrde jarııalaımyz», - dedi Bekeshev.
Eske sala ketsek, jeltoqsan aıynda Memleket basshysy Nursultan Nazarbaev kedendik retteý máseleleri boıynsha úsh zań jobasyna qol qoıdy. Atap aıtqanda, «Eýrazııalyq ekonomıkalyq odaqtyń Keden kodeksi týraly shartty ratıfıkatsııalaý týraly» Zań, jańa Kedendik kodeks jáne oǵan ilespe zań.
