Jańa Qazaqstannyń bolashaǵy jarqyn bolýy úshin daýys berdim – Іlııa Jaqanov

ATYRAÝ. QazAqparat – Atyraýda Qazaqstannyń Eńbek Eri Ilıa Jaqanov kezekten tys prezıdent saılaýynda óz tańdaýyn jasady. Ol Qazaqstannyń bolashaǵy jarqyn, sáýleli, shýaqty bolýy úshin daýys bergenin aıtty, dep habarlaıdy QazAqparat tilshisi.

Atyraý oblysynda Qazaqstannyń Eńbek Eri atanǵan úsh adam turady.

Onyń biri – kompozıtor, óner zertteýshisi, Qazaqstan men Qyrǵyzstannyń eńbek sińirgen qyzmetkeri Іlııa Jaqanov.

Óner zertteýshisi Atyraý qalasyndaǵy №7 saılaý ýchaskesinde 2916 saılaýshymen birge tirkelgen. Atalǵan saılaý ýchaskesine ulttyq kıimmen kelgen jazýshy, kompozıtor, mýzykatanýshy, Qazaqstannyń Eńbek Eri Ilıa Jaqanov jubaıy Tyıysh Altaevamen birge daýys berdi.

«Táýelsizdik tarıhynda ótken saılaýdyń bárine qatysyp, óz tańdaýymdy jasap kelemin. Al, osy naýqanda biz búgingi jáne erteńgi bolashaq ómirimizdiń damýy men jan-jaqty órkendeýi, halqymyzdyń baqyty úshin barlyǵyna asa jaýapkershilikpen qyzmet etetin kandıdatqa daýys berýdi uıǵardyq. Bizdiń qoǵam – ádiletti, qýatty jáne myzǵymas birligi men yntymaǵy zor qoǵam. Jańa, ádiletti Qazaqstannyń bolashaǵy jarqyn, sondaı sáýleli, shýaqty el bolýy úshin qarııa bolsam da, saılaýda daýys turmyn», -dedi Ilıa Jaqanov.

Eske sala ketelik, buǵan deıin Atyraýda úshinshi egizin kútip júrgen ana daýys bergenin, keıin Atyraý turǵyndary 261 saılaý ýchaskesinde tańdaýyn jasap jatqanyn jazǵan bolatynbyz.