Jańa qazaqstandyq qosymsha álemniń «eń aqyldy» elin anyqtaýǵa kómektesedi
ASTANA. QazAqparat - El Táýelsizdiginiń 25 jyldyǵyna oraı, qazaqstandyq baǵdarlama ázirleýshiler onlaın oıynsúıer qaýymǵa syı daıyndady.
«Aqyldy el» qosymshasy ınteraktıvti oıyn arqyly álemniń kez kelgen elindegi oıynshyny jeńýge múmkindik beredi. Ereje boıynsha, oıynshy qarsylasynyń eli týraly mol aqparat bilýi tıis. Máselen, qazaqstandyq oıynshy qytaılyqpen oıyndy bastady delik. Úsh raýndtyń árqaısysynda 4 jaýaptan turatyn 10 suraq bar. Alǵashqy raýndta oıynshylarǵa qarsylasynyń eli týraly suraqtar qoıylady, ekinshi raýndta ortaq taqyrypta 10 birdeı suraq qoıylady, úshinshi raýndta kezdeısoq úshinshi el týraly 10 birdeı suraq qoıylady. Jeńgen oıynshy ózine jáne óz eline upaı áperip, jalpy reıtıngtegi pozıtsııasyn jaqsarta alady.
«Bizdiń qosymsha ózge memleketter jaıly qyzyqty aqparattar bilýge jáne Qazaqstandy búkil álemge tanytýǵa biregeı múmkindik beredi», - dedi qosymshany ázirleýshilerdiń biri Talǵat Taıymov. Ár qatysýshynyń upaıy onyń memleketiniń reıtıngine áser etetinin atap ótken jón. «Aqyldy el» qosymshasy kelesi jyldyń basynda IOS jáne Android operatsııalyq júıelerinde jaryqqa shyǵady.
