Jańa Qazaqstandy qurýǵa degen jańa kózqaras qalyptasty - Albına Elshıeva

ShYMKENT. QazAqparat - Prezıdentimiz Q.K.Toqaevtyń jedel jáne oń sheshiminiń nátıjesinde Táýelsiz memleketimiz jańa damý kezeńine qadam basty. Memleket basshysy Májilistiń keńeıtilgen otyrysynda halyq múddesi úshin naqty jáne úılesimdi jumys jasaý qajettigi týraly usynystaryn aıtyp, naqty tapsyrmalar júktedi, deıdi Shymkent qalalyq máslıhatynyń depýtaty Albına Elshıeva.

«Prezıdent bolashaq mindetter men odan ári damýdyń jańa perspektıvalaryn belgilep, reformalardy iske asyrýǵa tolyq daıyn bolý qajet ekendigin erekshe atap ótti. El damýynyń barlyq negizgi baǵyttary boıynsha iske asyrylyp jatqan jobalarǵa synı jáne keshendi taldaý jasap bir qataryna naqty toqtaldy. Sonyń ishinde bilim salasyn reformalaý jáne sapasyn arttyrý baǵytynda 2025 jylǵa deıin damyǵan elderdegi bedeldi 5 joǵary oqý oryndarynyń fılıaldaryn ashý qajetti týraly tapsyrmasy jastarǵa úlken serpin berdi» - deıdi ol.

Búginde el ishinde aýyr naýqasqa shaldyqqan balalaryn emdetýge jaǵdaıy jetpeı júrgen jandar kóp. Olar kópshilikten qoldaýdy qajet etetini anyq. Albına Balǵabaıqyzy Memleket basshysynyń tapsyrmasy negizinde qurylǵan «Qazaqstan Halqyna» atty qoǵamdyq qory el ishindegi muqtaj jandarǵa demeý bolatynyn aıtyp ótti. «Bul kóptegen ata-anaǵa úlken úmit syılady» - deıdi ol.

«Sonymen qatar, elimizdiń jańa ekonomıkalyq saıasaty aldaǵy kezeńde barlyq qazaqstandyqtyń ómir súrýi men ál-aýqaty joǵary deńgeıde bolýyn qamtamasyz etý qajettiligi aıtylyp, osy maqsatta Qazaqstan Damý Bankiniń jumys formatyn eldegi shaǵyn jáne orta bıznesti damytýǵa kómektesetindeı qaıta qaraýdy usyndy» - deıdi Albına Elshıeva.

Memleket basshysy halyqtyń kókeıinde júrgen máselelerdi dóp basyp aıtqanyn jetkizgen halyq qalaýlysy el turǵyndary aldaǵy kúnderge jańa úmitpen qarap otyrǵandyǵyn jetkizdi.

«Prezıdent jańa úkimetke elimizdegi quqyq qorǵaý organdary júıesine túbegeıli reforma jasaý, halyqtyń tabysyn arttyrý, «Jeke tulǵalardyń bankrottyǵy týraly» Zań jobasyn ázirleýdi tapsyrdy. «Jastar is-tájirıbesi» jáne «Alǵashqy jumys orny» jobalaryna qatysýdyń merzimin sozyp, eńbekaqysyn kóterý múmkindigin qarastyrý kerektigin aıtty. Halyqtyń áleýmettik osal tobyndaǵy jastardyń iskerlik bastamalaryn iske asyrýǵa jaǵdaı jasaý mańyzdy ekendigin jetkizip, granttardyń mólsherin 400 aılyq eseptik kórsetkishke deıin kóbeıtýdi júktedi. Munyń barshasy da halyqtyń kóńilinen shyqty. Elde jańa Qazaqstan qurýǵa degen jańa kózqaras qalyptasty», - deıdi Albına Elshıeva.