«Jańa Qazaqstan» reformasyn iske asyrý úshin Parlament pen Úkimettiń de qoldaýy kerek – qyrǵyzstandyq sarapshy

ASTANA. QazAqparat – Qyrǵyz Respýblıkasynyń Prezıdenti janyndaǵy Ulttyq strategııalyq zertteýler ınstıtýtynyń dırektory Qanatbek Azız Qazaqstanda ótetin kezekten tys Parlament saılaýy týraly pikir bildirdi, dep habarlaıdy QazAqparat tilshisi.

«Qyrǵyzstan, onyń ishinde Qyrǵyz Respýblıkasynyń Prezıdenti janyndaǵy Ulttyq strategııalyq zertteýler ınstıtýty Qazaqstandaǵy «Jańa Qazaqstan» formatynda usynylǵan reformalardyń iske asý barysyn udaıy qadaǵalap otyr. Biz tipti oǵan qatysýshymyz desek te bolady. Mamyr aıynan bastap referendýmnyń qalaı ótkenin baqyladyq», - dedi ol «Ortalyq Azııa-2030: Bolashaqtyń kelbeti» atty sarapshylar kezdesýiniń kýlarynda.

Spıker Qazaqstandaǵy reformalar durys baǵytpen alǵa jyljyp keledi degen paıym aıtty.

«Ulttyq zertteýler ınstıtýtynyń aldynda osy kontekste sizderdi Qyrǵyzstan tap bolǵan qıyndyqtardan saqtandyrý mindeti turdy. Jalpy bári sınhrondy sıpatta, durys baǵytta ótip jatyr. Óıtkeni referendým ótti, odan keıin prezıdent saılaýy boldy. Al keshe Parlament taratylyp, kezekten tys saılaý jarııalaǵan Jarlyqqa qol qoıyldy. Bul – árıne, durys qadam. Óıtkeni Prezıdent ınstıtýty «Jańa Qazaqstan» reformasyn ózi jalǵyz iske asyra almaıdy. Atqarýshy bıliktiń de, zań shyǵarýshy bıliktiń de qoldaýy sózsiz kerek», - dedi qyrǵyz sarapshysy.

Foto: kg.akipress.org