Jańa Qazaqstan ádilettilik aımaǵyna aınalýy tıis - Toqaev

NUR-SULTAN. QazAqparat – Jańa Qazaqstan ádilettilik aımaǵyna aınalýy tıis. Bul týraly Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHІ sessııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Jańa Qazaqstan ádilettilik aımaǵyna aınalýy tıis. Ol úshin zańnyń áripin ǵana emes, rýhyn da saqtaý qajet. Zań bul - dogma emes. Olar jetildirilýi tıis jáne munda búkil Parlamenttiń jáne de árıne, Assambleıanyń róli úlken. Zańdar azamattardy tolǵandyratyn ózekti máselelerdi sheshý úshin jetildirilýi qajet», - dedi Memleket basshysy.

Prezıdent alǵa serpilis jasaý úshin sátti kezeńdi kútýdiń qajeti joqtyǵyn, qazirden-aq kidirmesten áreket jasaý kerektigin basa aıtty.

«Elimizdiń teńdesiz baılyǵy ári ózgeristerdiń basty qozǵaýshysy bul - adamdar, bizdiń azamattarymyz. Sondyqtan árbir azamat ózinen bastaýy tıis. Ortaq iske barlyq azamat jumylmaı memlekettik apparat ne bolmasa qandaı da bir saıası sheshimr men ekonomıkalyq tetik bizdiń eldi jańartý maqsatymyzǵa jetkize almaıdy. Jańa Qazaqstandy qurý úshin bizge derbes jáne qoǵamdyq qunydylyqtar júıesin tolyǵymen qaıtadan formattaý talap etiledi», - dedi Qasym-Jomart Toqaev.