«Jańa Qazaqstan» abstraktili ıdeıa emes, bolashaqtyń naqty beınesi - Toqaev
«Ómirdiń barlyq salasynda túbegeıli ózgeristerdi bastap, biz el damýynyń sapaly jańa kezeńine qadam basamyz. Bul – «Jańa Qazaqstan». Onyń ústine bul abstraktili ıdeıa emes, bolashaqtyń naqty beınesi», - dedi Qasym-Jomart Toqaev.
Memleket basshysy búgin marapattalatyn azamattardyń barlyǵy eldiń damýyna zor úles qosyp kele jatqanyn basa aıtty.
«Sizderdiń árqaısylaryńyz naǵyz otanshyl ekenderińizdi, yntymaq pen birlik qundylyqtaryn ustanatyndaryńyzdy is júzinde dáleldep kelesizder. Ózderińizdiń jankeshti eńbekterińizben, shynaıy kómek kórsetýge degen nıetterińizben barlyq azamattarǵa úlgi kórsetesizder. Sizdermen birge qazaqstandyq reformatsııa protsesin sátti iske qosyp, jańa múmkindikter men progress eli - «Jańa Qazaqstandy» quratyndyǵymyzǵa senimdimin», - dedi QR Prezıdenti.
