Jańa qazaq álipbıine qatysty barlyq óńirde aprobatsııa ortalyqtary ashylady - Erden Qajybek
«Búkil jurtshylyq burynnan kútken saıası sheshim qabyldandy. Biz ózimizdiń memlekettik tilimizdiń irgesin jeke tuǵyryna qondyrý turǵysynda úlken istiń, ıaǵnı qyrýar mańyzdy mádenı, saıası, tarıhı jumystyń bastalǵanynyń kýágerleri bolyp otyrmyz. Bul burynnan qolǵa alynǵan másele. Táýelsizdik alǵannan beri bılik te, zııalylarymyz da nazar aýdaryp keldi, tıisti tapsyrmalar berilgen bolatyn. Osy oraıda kóptegen zertteýler júrgizilip, jan-jaqty qarastyryldy. Árıne, bul tek áripti aýystyrýǵa ǵana emes, máseleniń mánisi tilimizdi óziniń tabıǵı zańdylyqtaryna qaıtarýda jatyr», - dep atap ótti E. Qajybek.
Osy oraıda ortalyq dırektory til máselesi elimizdegi rýhanı jańǵyrýdyń eń negizgi uıytqysynyń biri ekenin qadap aıtty.
«Sondyqtan biz tilimizdi jónge keltire almaı, ózimizdiń dilimizdi, rýhanı dúnıemizdi qolǵa durys alýymyz áste múmkin emes ekenin jaqsy bilemiz. Bul másele óte mańyzdy bolǵannan keıin jáne búkil sheshimder tyń bolǵannan keıin, árıne, azamattarda alańdaýshylyq bar. Biraq osy baǵytta nıet óte durys atap ótkim keledi. Nıet tek qana jańalyq emes, ol bolashaqta básekelestik kúsheıetin zamandarǵa bizdiń halqymyzdyń tótep berýi úshin neǵurlym yńǵaıly jaǵdaıdy týdyrýǵa negizdelgen. Elbasy ashyq aıtty, osyndaı mańyzdy máselede asyǵystyq bolmaıdy. Osyǵan sáıkes, bilim júıesindegi daıyndyqqa da qajetti merzim berilip otyr»,-dedi ol.
Erden Qajybektiń aıtýynsha, ǵalymdar endi jańa álipbıge qatysty aprobatsııalyq jumystarǵa kiriskeli jatyr.
«Osy aptanyń aıaǵyna qaraı, ıaǵnı juma kúni Almatydaǵy Ulttyq kitaphanamen birigip birinshi aprobatsııa ortalyǵyn ashamyz. Odan keıin barsha oblys ortalyqtary men iri qalalarda atalǵan ortalyqtar jumysyn bastaıdy. Sondyqtan ǵylymı turǵyda tolyqtyrý úshin júıeli jumystar iske asyrylady»,-dep túıindedi ol.
