Jańa qaýly: Vaktsınatsııanyń eki kezeńiniń arasy uzartyldy
NUR-SULTAN. QazAqparat – QR DSM Bas memlekettik sanıtar dárigeri Erlan Qııasovtyń 30 sáýirdegi №17 qaýlysy boıynsha vaktsınalaý tártibine ózgerister engizildi, dep habarlaıdy QazAqparat tilshisi.
«Vaktsınatsııany eki kezeńmen júrgizedi: eń aldymen 0,5 ml dozada I komponentpen, sodan keıin vaktsınatsııa kúnin eseptemegende 45 kúnnen keıin - 0,5 ml dozada II komponentpen; bul rette 45-shi kúnge II komponentpen vaktsınatsııa júrgizý múmkin bolmaǵan jaǵdaıda (demalys, mereke kúnderine sáıkes kelý, basqa eldi mekenge shyǵý jáne basqalar) vaktsınatsııany 90 kún ishinde júrgizýge jol beriledi; vaktsınatsııanyń osy kýrsy 2021 jylǵy 21 sáýirden bastap «Gam-KOVID-Vak» vaktsınasynyń birinshi komponentin alǵan adamdarǵa engiziledi», - dep jazylǵan qaýlyda.
Qujat 2021 jylǵy 3 mamyrda saǵat 00-den bastap kúshine enedi.
